GoGo Blog

Ойр дотнын хүмүүстээ сэтгэл сэргэм сайхан үгийг байнга хэлж бай

http://dashka_tushee.blog.gogo.mn — Thu, 29 Dec 2011 13:49:47 ULAT

Ойр дотнын хүмүүстээ сэтгэл сэргэм сайхан үгийг байнга хэлж бай

Бүсгүй таныг гэртээ яаран ирэхэд эр нөхөр чинь байдгаараа хөмсгөө зангидсан, уравгар царайлан угтвал яах вэ. Мэдээж таны сэтгэл тэр чигээрээ уналтын байдалд орно биз дээ. Энэхүү сөрөг энерги нь салхинд цохиулах өвчин хийгээд ханиаднаас ч илүү халдварлах болно. Америкийн эрдэмтдийн хийсэн судалгаанаас гарсан үр дүн: - Жаргалтай хүний нүд рүү харах, уйтгартай хүний нүүр рүү харах нь мөн л тийм мэдрэмжийг бидэнд төрүүлдэг гэсэн дүгнэлтэд тэдгээр эрдэмтэн судлаачид хүрсэн байна. Үүнийг сэтгэл зүйчид "Сэтгэл хөдлөлийн халдварт өвчин" хэмээн нэрлэсэн байна. Хэрэв таны ойр орчимд өөдрөг үзэлтэй хүмүүс байдаг бол энэ нь маш сайн хэрэг юм. Ер нь сөрөг сэтгэл хөдлөл нь эрүүл мэндэд муугаар нөлөөлдөг болох нь хэн хүнд ойлгомжтой хэрэг юм. Мөн түүнчлэн гутранги үзэлтэй, уйтгар гунигт автсан хүмүүстэй нэлээд хэдэн жил хамт амьдрах юм бол төд удалгүй сэтгэл санааны ямар нэгэн өвчинтэй болж мэдэх юм шүү. Сөрөг сэтгэл хөдлөл нь хүнийг цаг үргэлж шимж амьдарч байдаг. Нэг ёсондоо шимэгч хорхой л гэсэн үг юм. Иймд тэдгээр сөрөг энергитэй, сэтгэл хөдлөлтэй хүмүүсийн нөлөөнд автагдахгүй байхыг хичээх хэрэгтэй. Ингээд дараах зөвлөмжийн дагуу сөрөг сэтгэл хөдлөлийн өвчин үл халдах дархлаагаа сайжруулаарай. - Үргэлж сайн сайхан зүйлийн талаар бод. - Энэ нь өөртөө эерэг энергийг хуримтлуулна. - Өөдрөг үзэлтэй хүмүүс дунд байхыг хичээ. - Эрүүл сэтгэл хөдлөлийн гинжин холбоог үүсгэх хэрэгтэй. Жишээ нь: - Эерэг сэтгэл хөдлөлийн талаар: Өнөөдөр нартай өдөр байна, үс маань аятайхан харагдаж байна, замын бөглөрөл гайгүй байна, дарга сайхан ааштай байна гэх мэт... - Сөрөг сэтгэл хөдлөлийн талаар: Үргэлж ийм байхгүй. Маргааш бүх зүйл сайхан болно. Оройноос өглөө дээр гэдгийг санаж явах. - Ойр дотны хүмүүсдээ чин үнэнээсээ, харамгүй сэтгэлээр найрсаг, дотно, дулаахан, сэтгэл сэргэм сайхан үгийг байнга хэлж бай.

Шийдэмгий зан хэрэгтэй цагтаа аминд ордог юм шүү

http://dashka_tushee.blog.gogo.mn — Thu, 29 Dec 2011 13:47:58 ULAT

Шийдэмгий зан хэрэгтэй цагтаа аминд ордог юм шүү

Амьдралд жижиг сажиг зүйлээс эхлээд том асуудлыг шийдэх гээд багагүй стресст ордог шүү дээ. Зоригтой, шийдэмгий байхаасаа илүүтэй эргэлзээтэй, бүрхэг байх нь олонтоо. Тэгвэл хэрхэн шийдэмгий байх талаар дараах зөвлөгөөг хүргэе. о Урьтаж тухайн бүх зүйлээ тодорхойлох, о Танд чухам юу чухал болох, о Таныг юу хамгийн ихээр аз жаргалтай болгодог эсэхээ олж тогтоох, о Бусдын мэдрэмжийг анхааралгүй орхиж болохгүй авч өөрийнхөө мэдрэмжийг бас мартаж болохгүй. о Өнгөрсөнд болсон болон одоо байгаа азгүйдлийнхээ талаар бодох хэрэггүй. о Алдаа гэдэг бол таныг сургах процесс байдаг боловч бүх зүйлд таны тэнцвэргүй байдлын нотолгоо болдоггүй. о Хэт сэтгэл хөдөлсөн, тайван бус үедээ чухал шийдвэр гаргахгүй байх. Эхний ээлжинд тайвшрахыг хичээх нь зүйтэй. о Юуны өмнө шийдвэр гаргахдаа тухайн зүйлийнхээ талаар мэдээллийг цуглуулж, олж авах нь чухал байдаг. о Ямар нэгэн асуудал тулгарахад танд зөвлөж чадах аль эсвэл та өөрөө сонсохыг хүсдэг жинхэнэ найзтайгаа зөвлөлдөж байх, о Өөрийн зөн совингоо сонсдог байх. Учир нь зургаа дахь мэдрэхүй таны хүсэл сонирхолд илүү нөлөөлдөг. о Зөв шийдвэр гаргалаа гээд үргэлж тэр нь төгс байж чаддаггүй. Яагаад гэвэл төгс зүйл гэж хэзээ ч байх боломжгүй. Энэ бол бичигдээгүй хууль юм. о Гол нь та өөрийгөө юунд илүү авьяастай, чадвартай болохоо харуулах нь зүйтэй. Учир нь бүх зүйл танаас шаардагдах болно. о Эргэлзэж байгаа бол эргэлзээгээ тайлах зүйлээ олоорой.

Та ямар хүн бэ?

http://dashka_tushee.blog.gogo.mn — Thu, 29 Dec 2011 13:45:26 ULAT

Та ямар хүн бэ?

Өөрийнхөө талаар таны төсөөлөл болон таны талаарх өрөөлийн төсөөлөл хоёрыг хүний амьдралд таардаг хамгийн том хоёр төөрөгдөл гэлцдэг.

Тэгэхээр та өөрийнхөө тухай үнэн зөв төсөөлөлтэй болбол цаашдын тань амьдралд бага ч гэсэн хэрэг болох нь лавтай. Энэ сонжоо маш энгийнээрээ ийм төрлийн бусад сонжооноос ялгаатай. Та дөрвөлжин, тэгш өнцөгт, гурвалжин, тойрог, эржгэр зураас гэсэн таван дүрсийг зураад өөртөө хамгийн их таалагдсанаа сонгоорой.

ТЭГШ ӨНЦӨГ
Хэрэв та энэ дүрсийг сонгосон бол амьдралдаа сэтгэл ханамжгүй байдгаас илүү сайхан амьдралыг эрэлхийлж байгаа юм байна. Тиймээс хэн ч амьдралынхаа тодорхой үед энэ дүрсийг сонгох магадлалтай юм. Тэгш өнцөгтийг сонгож байгаа хүмүүс сониуч, зоригтой, гярхай зантай бөгөөд эргэн тойрондоо болж буй бүх юмыг бусдаас илүү ажигладагаараа ялгаатай. Тэд бүх талын шинэ санаа, үзэл бодолд нээлттэй хандаж аливаа зүйлийг хурдан тусган авдаг.

ГУРВАЛЖИН
Та энэ дүрсийг сонгосон бол манлайлагч байх чадвартай хүн байна. Ийм хүмүүс хамгийн чухал нэг зорилго дээрээ бүх анхаарлаа төвлөрүүлж чаддагаараа бусдаас давуу талтай. "Гурвалжин"-ууд өмнөө тодорхой зорилго тавьж, түүндээ хүрч чаддаг эрч хүчтэй, чадварлаг, зоригтой хүмүүс юм. Тэд нэр алдарт дуртай, юманд бодитоор ханддаг, удирдлагадаа өөрийнхөө гүйцэтгэж буй ажлыг чухал ач холбогдолтой хэмээн танилцуулж чаддаг. Ямагт манлайлах, ялах гэсэн хүсэл нь түүнийг бусадтай цаг үргэлж өрсөлдүүлж байдаг.

ДӨРВӨЛЖИН
Хэрэв та энэ дүрсийг сонгосон бол их хөдөлмөрч, уйгагүй зантай, эхэлсэн ажлаа заавал дуусгах гэж тууштай зүтгэдгээрээ бусдаас ялгаатай. Тэсвэр, тэвчээр, ажлаа эмх цэгцтэй гүйцэтгэдгийнхээ ачаар энэ дүрсийн хүмүүс ажиллаж байгаа салбартаа өндөр зэрэглэлийн мэргэжилтнүүд болж чаддаг. "Дөрвөлжин" хүмүүс аливаа зүйлд эмх замбараатай байхыг эрхэмлэдэг. Ийм хүмүүс бүх юмаа урьдчилан товлож, зорилготой амьдрахыг хүсдэг бөгөөд гэнэтийн юманд тун дургүй.

ТОЙРОГ
Тойргийг сонгож авсан бол та тун найрсаг хүн байна. Энэ дүрсийг мэдрэмтгий, бусдын сэтгэл санааг ойлгодог, бусдын төлөө санаа тавьдаг хүмүүс сонгодог. “Тойрог” нь бусдын баяр баясгаланг ч, гомдол харууслыг ч адилхан мэдэрч, хуваалцдаг. Хүмүүс хоорондоо эв найртай байхад тэд аз жаргалтай байдаг. Та ямар ч эсрэг тэсрэг үзэлүүдээс адил төстэй зүйлийг олох чадвартай хүн тул маргааны үед голдуу түрүүлж буулт хийдэг.

ЭРЖГЭР ЗУРААС
Та жинхэнэ уран бүтээлч хүн. Санаанд оромгүй хачин сонин санаа, үзэл бодлыг нэгтгэн өмнөө огт байгаагүй цоо шинэ зүйл бүтээх нь таны хийх дуртай зүйл. Ийм төрлийн хүмүүс өнгөрсөн болон одоо бүтээж буй юмандаа сэтгэл хангалуун суулгүй ямагт шинийг эрэлхийлж байдаг. Тэд маш их сэтгэлийн хөдөлгөөнтэй, хүмүүс юм. Ийм хүмүүс улиг болсон зүйлийг өөрчлөх шинэ үйл хэргийг үндэслэгч байдаг.

Таны эдлэх ёстой эрх

http://dashka_tushee.blog.gogo.mn — Thu, 29 Dec 2011 13:43:07 ULAT

Таны эдлэх ёстой эрх

Алдах магадлал
1. Өөрийнхөө хэрэгцээг бусдын хэрэгцээнээс өмнө тавих нь амиа хичээсэн явдал.
2. Алдаа гаргах нь ичгэвтэр.
З. Таны бодол санааг бусад хүмүүс хүлээн зөвшөөрөхгүй байвал та буруу бодсоных.

4. Та эрх мэдэлтний үзэл бодлыг хүндэтгэх ёстой. Хэрэв зөрчилтэй бол дотроо хадгал тэвчээртэй сонс.
5. Та тууштай байх ёстой.
6. Та уян хатан байж зохицох ёстой.

7. Та хүмүүсийн яриаг хэзээ ч бүү тасла. Энэ нь та бүдүүлгээ бусдад харуулж буй хэрэг.
8. Та тухайн нөхцөлийг тэвчиж, дасан зохицох хэрэгтэй.
9. Хувийн асуудлаараа бусдын үнэт цагийг үрэх ёсгүй.

10. Хэн нэгний зөвлөгөөг та хүлээж авах нь зүйтэй.
11. Та магтуулах гэсний хэрэггүй даруухан байж сур.

Бодит байдал
1. Зарим үед өөрийнхөө хэрэгцээг эхэнд нь тавих эрх танд бий.
2. Та хүн юм чинь алдаа гаргах эрхтэй.
З. Бусад хүмүүс хүлээн зөвшөөрөхгүй байсан ч та өөрийн санал бодлын эцсийн шүүгч байх бөгөөд зөв зүйтэй гэж үзэх эрхтэй.

4. Та өөрийн үзэл бодолд итгэл үнэмшилтэй байх хэрэгтэй.
5. Та амьдралынхаа ямар ч нөхцөлд бодлоо өөрчлөн шийдвэр гаргах эрхтэй.
6. Та шударга бус харьцаа шүүмжлэлийг эсэргүүцэх эрхтэй.

7. Та хүсвэл юм тодруулах гэж яриаг нь таслах эрхтэй.
8. Та тухайн нөхцөл байдлыг өөрчлөхийн тулд хэлэлцэх эрхтэй.
9. Та тусламж болон сэтгэл санааны дэмжлэг авах эрхтэй.

10. Та бусдын зөвлөгөөг тэр бүр дагахгүй байх эрхтэй.
11. Та ажлаасаа урам авах эрхтэй.

Бизнесийн үгэн бус харилцаа

http://dashka_tushee.blog.gogo.mn — Thu, 29 Dec 2011 13:33:17 ULAT

Бизнесийн үгэн бус харилцаа

Аливаа бизнесийн амжилт үгэн харилцаанаас гадна үгэн бус харилцаанаас хамаардаг. Бизнесийн үгэн бус харилцаанд ажил хэрэгч хувцаслалт чухал үүрэгтэй. Ажил хэрэгч хувцаслалтыг тав ангилдаг байна.

Уламжлалт ажил хэрэгч хувцаслалт
Энэ нь хэлэлцээр явуулах, зочдыг хүлээн авах үед болон өдрийн хүлээн авалтын үед өмсдөг уламжлалт ажил хэрэгч хувцас юм.

Энэ төрлийн хамгийн тохиромжтой хувцас нь эмэгтэйчүүдэд юбка пиджак, өмд пиджак, даашинз пиджак зүй ёсоор тооцогддог. Пиджакны дотор сорочка маягийн захтай цамц болон захгүй өнгө дагуу цамц өмсөж болно. Энэ тохиолдолд хоёроос ихгүй өнгийн хувцас сонгох нь хамгийн тохиромжтой.

Ёслолын хувцаслалт
Энэ нь хүлээн авалтын үед ажил хэрэгч эмэгтэйчүүдийн өмсдөг хувцас юм. Ажил хэрэгч ёс зүйн дагуу 20 цаг хүртэлх хүлээн авалтанд уригдагсад хослол, энгийн дэгжин хийцтэй даашинз өмсөхийг илүүд үздэг.

Хэрвээ урилган дээр ёслолын хувцастай гэж заасан бол эмэгтэйчүүд заавал үдшийн даашинз өмсөх ёстой. Даашинзны хэв загвар нь тухайн үйл ажиллагаатай зохицсон байх хэрэгтэй.

Албан ёсны хувцаслалт
Энэ нь илтгэл тавих болон албан ёсны нээлт арга хэмжээний үеэр өмсдөг хувцас юм. Энэ тохиолдолд та өөртөө илүү их анхаарал хандуулах шаардлагатай. Энгийн мөртлөө дэгжин байдлыг тодотгосон хар өнгийн хослол энэ үед хамгийн тохиромжтой сонголт. Хүмүүсийн анхаарлыг хэт татах гоёл чимэглэлээс энэ үед татгалзах нь зүйтэй.

Албан бус ажил хэрэгч хувцаслалт
Энэ нь албан контор буюу оффист өдөр тутам өмсдөг хувцас юм.

Баасан гаригийн хувцаслалт
Үүнийг өөрөөр тав дахь өдрийн стандарт хэмээн нэрлэдэг. Энэхүү стандартын дагуу зарим нэг байгууллагын удирдлагууд ажил хэрэгч хатуу хэв загварыг ягштал мөрдөхөөс татгалзах боломжийг олгодог.

Эмэгтэйчүүдийн хувьд тод өнгийн, хөнгөн, зуны даашинз болон сүлжмэл джемпер өмсөхийг зөвшөөрдөг. Харин амралтын өдөр л биш бол жинсэн хувцас өмсөхөөс татгалзаарай.

Бизнес аяллын хувцаслалт
Энэ нь томилолтоор явахад өмсдөг хувцас юм. Эмэгтэйчүүдийн хувьд энэхүү ажил хэрэгч хувцаслалтанд тавигдах шаардлага нь биед эвтэйхэн энгийн байх ёстой.

Энэхүү хэв загварын хувцаслалтын үед брюкин өмд хамгийн тохиромжтой байдаг. Хамгийн гол нь зорьсон газартаа очихдоо ажил хэрэгч байдыг илтгэсэн байх нь чухал.

Стратеги

http://dashka_tushee.blog.gogo.mn — Tue, 29 Nov 2011 16:02:22 ULAT

Стратеги гэдэг нь байгууллага өөрийн эрхэм зоилгодоо хүрэхийн тулд зорилгуудыг хангах бүх талыг хамарсан иж бүрэн урт хугацааны тьөлөвлөгөө юм. Дээр дурьдсанчлан стратегийн төлөвлөгөө нь жил, 3,5,10,15 жилийн хугацааг хамарч болно. Стратегийн төлөвлөгөөг чиг баримжаа болгон тактикийн болон үйл ажиллагааны төлөвлөгөө боловсруулдаг. Стратегийн төлөвлөлтөнд доорхи шаардлага тавина. Үүнд:

1. Стратегийн төлөвлөлтийн тогтолцооны бүрэн байдал

2. Стратегийн төлөвлөлт болон өнөөгийн удирдлагын хооронд зөрөө байхгүй байх

3. Үнэн зөв, бүрэн мэдээлэлтэй байх

4. Стратегийн төлөвлөлтийн үндсэн загвар болон удирдлагын зохих туршлагатай байх

5. Стратегийн өөрчлөлтөнд хандах ажилтнуудын тэмүүлэл байх

6. Стратегийн төлөвлөтөнд шаардагдах нөөцтэй байх

7. Өндөр ур чадвартай, мэргэжлийн ажилтнуудыг татан оролцуулах

8. Стратегийн төлөвлөлтөнд зарцуулах удирдлагын цаг хугацаа уртасгах зэрэг болно.

Стратегийн төлөвлөгөө боловсруулахдаа дараах үндсэн аргууд хэрэглэнэ. Үүнд:

1. Шат дараалсан үйл ажиллагааны арга Шат дараалсан үйл ажиллагаа нь амжилтанд хүргэх учир зүйн хамаарал бүхий үйл ажиллагаа юм.

2. Хүсэл ба боломжийг харьцуулах арга Хүсэл эрмэлзэл. Энэ нь хувь хүний хандлагыг харуулсан сэтгэл өөрчлөлтийн нэг хэлбэр юм. /Ажил хэрэгч, ертөнцийг ухамсарлах, өөрийн ажлыг бий болгох, их мөнгө олох, өөрийгөө турших г.м Боломж- энэ нь нөхцөл байдал болон хэрэгсэл юм. /мэдлэг, капитал, хөдөлмөр, цаг хугацаа г.м/

3. Багаас том руу зөөлөн гулсах арга. Үйл явцад бэлтгэх, жижиг бизнес дэх үйл ажиллагааны эрчимжилт, үйл ажиллагааг хэрэгжүүлэх”бизнес- төр” гэсэн холболтонд шилжин орох г.м.

Стратегийн төлөвлөлтөнд дараах зарчмуудыг баримтална.

- Жигд өсөлтийн онол /аажим өсөлтийн онол/-энэ нь байгууллага туршилтын бага алхмаар гадаад орчны нөхцөл байдалд зохицно гэсэн үг вм.

- Уян хатан хандлага-Тухайн нөхцөл байдлаас болж үйл ажилагаагаа түргэн өөрчлөх чадвар

- Бүтээлч хандлага-Одоогийн болон ирээдүйн боломжит асуудлыг дэмжих, онцлогийг тааруулах г.м

Төлөвлөлтөнд үйлдвэрлэлийн бүхий л хүрээг хамрах, гадаад орчинтой сайтар уялдуулах, нөөцийг боломжтой зохицуулах, байгууллагыг хөгжүүлэх удаан хугацааны чиг хандлагын холбоос, гаргасан шийдвэр, зөвлөмж бодитой биелэгдэхүйц байх зэрэг шаардлагыг тусгасан байх учиртай.

Бизнесийн байгууллагын төлөвлөгөө

http://dashka_tushee.blog.gogo.mn — Tue, 29 Nov 2011 15:53:08 ULAT

Бизнесийн байгууллагын төлөвлөгөө

1. Зах зээлийн стратеги

2. Үйлдвэрлэл болон үйлчилгээний стратеги

3. Судалгаа шинжилгээ ба хөгжил дэвшлийн стратеги

4. Удирдлага, зохион байгуулалтын стратеги

5. Санхүүгийн стратеги гэсэн 5 хэсгээс бүрдэнэ.

Эдгээр таван стратеги нь төлөвлөлтийн процессийн үр дүн болох ирээдүйд чиглэсэн шийдвэрүүдийг гаргах боломжийг тухайн байгууллагын удирдлагад олгодог. Уг стратегиуд нь хоорондоо маш нягт харилцан уялдаатай бөгөөд төлөвлөгөөний эцсийн үр дүнд шууд нөлөөлнө. Хэдийгээр үйл ажиллагааны стратегиуд өөр хоорондоо маш нягт харилцан уялдаатай боловч стратегиуд бие даан боловсрхуулагдах бөгөөд ямар ч төлөвлөгөөг хийхэд дагаж мөрдөх дэс дараалсан шатууд байдаг.

Төлөвлөлтийн процессийг зохион байгуулах

Стратеги ба төлөвлөлт

http://dashka_tushee.blog.gogo.mn — Tue, 29 Nov 2011 15:51:48 ULAT

Төлөвлөгөө нь цаг хувьд урт ба богино гэж хоёр янз байна. Урт хугацааны төлөвлөгөө нь 5,10 жилийн хугацааг хамарч байхад богино хугацааны төлөвлөгөө нь долоо хоног, сар, улирал, жилийн хугацааг хамарч байдаг. Төлөвлөгөө нь хэрэгллэх зоориулалтаар дотоод өа гадаад гэж хоёр ангилдаг. Юуны өмнө төлөвлөгөө нь байгууллагын удирдлага, зохион байгуулалтын үйл явцын гол шийдвэрүүдийг гаргах ажлын үндэс болдог. Төлөвлөгөөний дотоод хэрэглээний үр өгөөж нь дараахи хэлбэрүүдээр илэрнэ. Үүнд:

1. Байгууллагын давуу ба сул талууд, дотоод нөөц, түүнчлэн бйгууллагын өмнө тулгарч буй асуудлуудыг тодотгох замаар гүйцэтгэлийг сайжруулдаг.

2. Байгууллагын үйл ажиллагааны үр дүнгийн талаархи тодорхой урьдчилсан таамаглалыг удирдллага болгон ажилагчдад мэдээлдэг.

3. Олон төрлийн салбар нэгжүүдтэй бизнесийн байгууллагын хувьд тэдгээр нэгж хэсгүүдийн үйл ажиллагааг хооронд нь уялдуулан зохицуулж, үйл ажиллагааных нь тогтвортой байдлыг хангадаг.

4. Байгууллага, түүний даасан бие нэгжүүд болон менежерийн үйл ажиллагааны үр дүнг хэмжих бодит үндэслэлийг тогтоож өгдөг.

Төлөвлөгөөг тухайн байгууллагаас гадна, түүний үйл ажмллагаанд тус дэмжлэг үзүүлж чадах гадны харилцагч нар бас хэрэглэдэг

Байгууллагын удирдах ажилтнуудын идэвхи санаачлагыг өрнүүлэх, тэдний мэдлэг боловсролыг дээшлүүлэхэд чухал нөлөө үзүүлдэг.

Менежментийн ёс зүй,нийгмийн хариуцлага

http://dashka_tushee.blog.gogo.mn — Tue, 29 Nov 2011 15:49:25 ULAT

Менежментийн ёс зүйн асуудлууд: Менежер дээд тэнгэрт биш шазар дэлхий дээр ёс зүйтэй,бас ёс бус алхам хийдэг нь ойлгомжтой.Ихэнх асуудал байгууллагын орчин,ажил хэрэгтэй холбогдон гарч ирдэг.

Менежментийн ёс зүйн асуудлыг хувь хүний ёс зүйтэй шууд холбон авч үзэхээс өөр арга байдаггүй.Учир нь зарим хүн ёс бус алхам хийхийн өмнө нилээд тээнэгэлзэж, ажлаа алдах вий хэмээсэн айдас,болгоомжлолоо гэтлэх хэрэгтэй байдаг бол нөгөө хэсэг нь өөрийн эрх ашгийн төлөө юуг ч эргэлзэлгүйгээр хийдэг.

Мөн байгууллагын урьд өмнөх туршлага их ач холбогдолтой. Зарим газар байгууллагад ашигтай л бол зүй бус бизнесийг ч хамаагүй зөвшөөрч, тэр бүү хэл дэмждэг тал бий.

Менежментийн ёс зүйд байгууллагын орчин, улс үндэстэний соёлын онцлог ч их нөлөөтэй.Тухайн салбарын үйлдвэрлэлийг төрөөс их зохицуулдаг, эсвэл маш их өрсөлдөөнтэй салбар бол дээд түвшиний удирдагчид шахалтанд орох явдал цөөнгүй. Японд удирдагчийн амжилт нь түүний харилцаа холбоо тогтоох чадвараас хамаардаг. Гэтэл Японы нэгэн том конгломератын захирал төрийн эрх мэдэл бүхий хүмүүст өндөр ашигтай хөрөнгийн хувь хүртээсэн нь мэдэгдэж буруутжээ.

Ёс зүйг удирдах нь: Өнөөдөр ёс зүйтэй холбоотой, ёс бус үйлдлээс үүдсэн маргаан,зөрөлдөөн их гарах болсон тул байгууллагууд ажиллагчдийнхаа ёс зүйн асуудлыг онцгой анхаарах болжээ.

Ёс зүйн хэм хэмжээг хадгалах збв төлөвшүүлэхэд байгууллагын дээд удирдлага их үүрэг гүйцэтгэнэ.Тэд үүний тулд ажиллагчдаа тусалж дэмжин санаа бодол,сэдэл тэмүүллийг нь мэдэхийн тулд үе үе судалгаа явуулж маргаантай асуудлын шийдвэрлэхэд татан оролцуулах зэрэг алхмуудыг хийж байна. Мөн дээд удирдагчдын хувийн үлгэр жишээ,манлайлах чадвар нь ач холбогдолтой.

Зарим байгууллага хүмүүсээ ёс зүйн маргаантай асуудлыг шийдвэрлэхэд сургаж байна.Тухайлбал дэлхийд алдартай “ Женерал Миллз”,Жонсон энд Жонсон”,”Хьюлет Пакард”, Вирпул” зэрэг пүүсүүд ажиллагчиддаа хэрэглэгч,бэлтгэн нийлүүлэгч,өрсөлдөгчид,бусад харилцагчидтай хэрхэн харилцах талаар нарийн заавар гаргаж,байгууллага дээрээ ёс зүйн хууль бус үзэл баримтлал гаргаж мөрдүүлдэг жишээ бий.

Ер нь хууль заавар гаргаж, сургалт явуулсан ч сайхан муухай, сайн муугийн талаарх хувь хүний бодол санааг өөрчлөхөд маш хэцүү.Эдгээр нь гагцхүү хүнд юуг хийж болох, юу сайн зөв зүйтэй,муу зохисгүйд тооцох ба гарах үр дагаврыг мэдэж,түүнээс урьдчилан сэргийлэхэд л ашиг тусаа өгч болох юм.

Мотивацийн процессийн онолууд

http://dashka_tushee.blog.gogo.mn — Tue, 29 Nov 2011 15:44:09 ULAT

Мотивацийн процессийн онолууд

Мотивацийн агуулгын онолууд хүний тоорхой үйл хөдлөлд нөлөөлөх хүчин зүйлс,хэрэгцээнд тулгуурласан байдаг. Харин мотивацийн процессийн онол бол хүн тодорхой зорилгод хүрэхийн тул өөрийн хүчин чармайлтаа хэрхэн хуваарилах,үйл хөдлөлөө хэрхэн сонгохтой холбоотой.Мотивацийн процессийн онолоор бол хүний үйл хөдлөл нь аливаа юмс үзэгдлийг хүлээн авч хариу үйлдэл үзүүлэх процесс юм.Тодорхой үйл хөдлөлийн үр дагаварыг урьдчилан хүлээх асуудлыг мөн энэ онолоор тайлбарладаг.Менежментийн орчин үеийн ухаанд Хүлээлтийн онол,Шударга ёсны онол,Портер-Лоулерийн загвар гэсэн мотивацийн процессийн үндсэн гурван онолын урсгал давамгайлж байна.

Хүлээлтийн онол.Хүлээлтийн онолын үндэслэлийг Виктор Врум тавьжээ. Тэрээр хүний үйл хөдлөлийн мотив нь зөвхөн хэрэгцээ биш гэж үзээд хүн үйл ажиллагаанд тодорхой зүйлийг хүсэн хүлээж оролцдог гэж үзжээ.

Хүлээлт.Болж байгаа үйл явцын үр дүнг хүн урьдчилан таамаглаж өөртөө ямар нөлөөлөтэй болохыг тодорхойлохыг хичээж байдаг.Үүнийг хүлээлт гэнэ.Жишээ нь оюутнууд сургуулиа амжилттай дүүргээд аль нэгэн газарт сайн ажиллаж амьдралаа бусдын дайтай төвхнүүлэхийг хүснэ.

Хүн болж буй үйл явцын үр дүнг урьдчилан таамаглаж тодорхойлохыг хүлээлт гэнэ.

Хүлээлтийн онолоор хүний үйл ажиллагааны мотивийг тодорхойлохдоо хөдөлмөр зарцуулалт-үр дүн,үр дүн-урамшуулал,урамшуулал-урам гэсэн гурван үндсэн хамаарлын холбоонд авч үздэг байна. Урамшуулал-армын хэлхээг валентность буюу эн тэнцүү чанар гэж нэрлэжээ.

Хөдөлмөр зарцуулалт ба үр дүнгийн харьцааны хувьд хүлээлт нь гаргасан хүчин чармайлт бүр илүү үр дүнд хүрч байхыг хүсэн хүлээнэ гэсэн үн юм.Хэрвээ энэ шүтэлцээ биелэхгүй бол мотив буурна.

Үр дүн-урамшууллын харьцааны хувьд гаргасан амжилт,хүрсэн үр дүн бүрийг удирлагын зүгээс урамшуулж байхыг хүлээдэг гэсэн үзэл баримтлал юм. Жишээ нь ажилчны бүтээл 10% нэмэгдэхэд хөдөлмөрийн хөлс түүнтэй холбоотойгоор тодорхой хувиар өсч байхыг хүлээнэ.Гэхдээ хөдөлмөрийн үр дүнгийн өссөн хэмжээгээр хөдөлмөрийн хөлс,шагнал өснө гэж явцуу ойлгож болохгүй.

Урамшуулал-урамын харьцаа.Мотивацийн хүлээлтийн онолын гуравдахь хүчин зүйл бол урамшуулал-урамын харьцаа юм.Удирдлагын урамшууллын нөлөөллийг тухайн хүн хэрхэн хүлээн авч байгааг илтгэх үзүүлэлт.Урамшуулалт сэтгэл ханамжтай байна уу,эсвэл үгүй юу гэдгийг тодорхойлох оролдлого юм.Удирдлагын зүгээс хэрэгжүүлж байгаа урамшууллын нөлөө бүр ажиллагчдад урам болон хүрч байвал энэ зарчим биелэгдэх учиртай.Харамсалтай нь амьдралд биелэгдэхгүй байх тохиолдол элбэг байдаг.Энэ талаар 1970-1980-аад онд доктор,профессор Н.Цэнд,доктор,профессор Х.Пүрэвдагва нарын явуулсан судалгаанаас үзэхэд зарим аж ахуйн нэгж дээр энэ харьцаа эсрэгээр ,өөрөөр хэлбэл эсрэг валентноть гарч байсан билээ.Тухайлбал удирдлаыг зүгээс хэрэгжүүлж байгаа урамшууллын арга хэмжээндээ тухайн удирдлага өөрөө урамшаад байдаг.Харин уг урамшууллыг хүлээн авах объект болсон ажиллагчид,хүмүүс түүнийг нь мэдрээгүй байх,эсвэл мэдсэн ч тэдэнд урам болоогүй байх тохиолдол нилээд ажиглагдаж байлаа.

Мотивацийн хүлээлтийн онолын Врумын загвар нь өмнөх загваруудтай хаьцуулахад практикт илүү дөхөм,удирдлагын үйл ажиллагаанд баримталж болох,ямар нэг байдлаар тооцон хэрэглэж болох загвар юм./Хүснэгт 2.6.3/

Гаргасан хүчин үр дүн бүр урамшууллын

чармайлт бүр үр урамшуулалтай хүлээгдэж буй

дүнтэй байхын х байхын х үр дүн

хүлээлт хүлээлт = мотиваци

Х-Ү х Ү-У х Валентность = М

Зураг 2.6.3 Врумын мотивацийн загвар

Гэхдээ уг онолын арга зүй,тооцооллын техникийн талаас нь нарийн боловсруулалт шаардлагатай нь практик судалгаанд хэрэглэхэд ажиглагддаг.

Шударга ёсны онол.Тавиглсан зорилгыг биелүүлэхийн тул хүмүүс хүчин чармайлтаа хэрхэн хуваарилах,чиглүүлэхийг шударга ёсны онол тайлбарладаг.Шударга ёсны онолоор бол хүмүүс гаргасан хүчин чармайлтынхаа төлөө хүртсэн урамшууллаа бусад хүмүүсийнхтэй харьцуулан үздэг байна.Хэрвээ харьцуулалтаар тэгш бус байдал,шударга бус байдал илэрвэл удирдлагадаа сэтгэл ханамжгүй байдалд орж,үл итгэх байдал үүснэ.Мөн сэтгэл зүйн таагүй байдалд орно.Энэ байдлыг арилгахын тул удирдлагаас дахин хүчин чармайлт,цаг хугацаа,зардал шаардана.Тухайн хүн мөн энэ дээр тулгуурлан өөрийн үйл ажиллагааг зохицуулах байдал ч илэрч болно. Ийм нөхцөл байдалд орсон хүн уг тэнцвэргүй байдлыг арилгахын тул нэг бол урамшууллыг өөрчлөх,эсвэл урамшуулалд тохируулах чиглэлээр өөрийн хүчин чармайлтыг багасгаж болно.

Герцбергийн хоёр хүчин зүйлийн онол.

http://dashka_tushee.blog.gogo.mn — Tue, 29 Nov 2011 15:42:28 ULAT

Герцбергийн хоёр хүчин зүйлийн онол.

1950-аад оны дунд үед Америкийн судлаач Фредерик Герцберг өөрийн ажилтнуудынхаа хамт мотивацийн өөр нэгэн загварыг гаргасан байна.Тэд нэг томоохон чий будгийн пүүсийн 200 инженер,конторын албан хаагчдаас:”ажил үүргээ биелүүлсний дараа хэдийд сэтгэл санаа тань аятайхан болдог тухайгаа дэлгэрэнгүй бичнэ үү”, мөн “ажил үүргээ гүйцтгэсний дараа хэдийд сэтгэл санаа тань тавгүй болдог тухайгаа дэлгэрэнгүй бичнэ үү” гэсэн асуултуудад хаиулахыг хүссэн байна. Герцберг судалгааны үр дүндээ тулгуурлан “ Эрүүл ахуйн хүчин зүйлс” , “мотивац” гэсэн хоёр ойлголтыг тодорхойлсон байна.

Эрүүл ахуйн хүчин зүйлс нь ажил хийж байгаа орчин,харин мотивауи бол уг ажлын шинж чанар,агуулгатай холбоотой гэж тодорхойлжээ.Герцбергийн тодорхойлсноор эрүүл ахуйн хүчин зүйл байхгүй,эсвэл хангалттай түвшинд байхгүй бол хүн ажилдаа сэтгэл ханамжгүй болно.Ингэснээр хшний мотивийг ч бууруулна гэж үзсэн байна.Герцбергийн судалгааны үр дүнд гарсан эрүүл ахуйн хүчин зүйлс ба мотивацийг хүснэгт 2.6.2-оор харуулбал:

Эрүүл ахуйн хүчин зүйлс ба мотиваци

Эрүүл ахйун хүчин зүйлс

Мотиваци

Пүүсийн удирдлагын бодлого

Амжилт

Ажлын нөхцөл

Албан тушаалын ахилт

Хөдөлмөрийн хөлс

Ажлын үр дүнг хүлээн зөвшөөрөх үнэлэх

Хүмүүсийн босоо ба хөндлөн харилцаа

Өндөр хариуцлага

Ажлын шууд хяналтын түвшин

Ур чадвар,ажил хэргийн хувьд өсөх боломж

Мотивацийн агуулгын онолууд

http://dashka_tushee.blog.gogo.mn — Tue, 29 Nov 2011 15:40:51 ULAT

Мотивацийн агуулгын онолууд

Хүмүүсийг тодорхой үйл хөдлөл,ажиллагаанд өдөөн түлхэгч хэрэгцээнд үндэслэгдсэн онолуудыг мотивацийн агуулгын онолууд гэдэг.Мотивацийн агуулгын онолуудын сонгодог төлөөлөгчид нь Абрахам Маслоу,Фредерик Герцберг,Дэвид МакКлелланда нар юм.

Маслоугийн хэрэгцээний шатлал.Америкийн эрдэмтэн Абрахам Маслоу 1940-өөд оны үед хэрэгцээний шатлалын онолоо боловсруулан гаргажээ.Хүнд маш олон талын хэрэгцээ байдаг ба эдгээр нь чанд эрэмбэлэгдэн,шаталсан байдаг гэжМаслоу үзжээ.Хүний олон янз хэрэгцээг таван үндсэн ангилалд хувааж авч үзсэн байна.Үүнд:

1. Бие физиологийн хэрэгцээ.Хүнд юуны өмнө хооллож ундах,унтаж амрах,өмсөх,орон байртай байх зэрэг бие физиологийн хэрэгцээ байдаг.Үүнийг анхдагч буюу төрөлхийн хэрэгцээ гэнэ.

2. Аюулгүй байх , ирээдүйдэээ итгэлтэй байх хэрэгцээ.Ирээдүйд хүний бие физиологийн хэрэгцээ баталгаатай хангагдаж байх, хүрээлэн байгаа орчны зүгээс ямар нэгэн аюуд заналгүй байх хэрэгцээ юм.Байгууллагын ажиллагчдын хувьд энэ нь даатгал,тэтгэвэр тэтгэмжийн хувьд баталгаатай байх,баталгаатай ажлын байр,ажиллах ая таатай нөхцөлөөр хангагдсан байх хэрэгцээ юм.

3. Нийгмийн хэрэгцээ.Хүмүүсийн аль нэг бүлэгт хамааралтай байх, нийгмийн харилцаанд орж байх,нийгэм, хамт олон бүлгийн зүгээс дэмжлэг авч байх хэрэгцээ юм.

4. Хүндлүүлэх хэрэгцээ.Өөрийн авъяас чадвар,ажлын амжилтаа бусдаар хүлээн зөвшөөрүүлэх , тэдэнд хүндлүүлэх, өөрийгөө хүндлэх хэрэгцээ юм.

5. Өөрийгөө илэрхийлэх хэрэгцээ.Өөрийн авъяас чадвар , дадлага туршлага, боломжоо амьдралд хэрэгжүүлэх,хувь хүний хувьд өсөн дэвжих хэрэгцээ юм.

Эдгээр таван ангиллыг Оросын эрдэмтэн В.В.Глухов:

1. “Үндсэн хэрэгцээ

2. Хамгаалах хэрэгцээ

3. Нийгмийн хэрэгцээ

4. Хүлээн зөвшөөрүүлэх хэрэгцээ

5. Хөгжлийн хэрэгцээ” гэж нэрлэсэн байна.

А.Маслоу эдгээр хэрэгцээ нь нарийн тогтсон дэс дараалал,шатлалд байна гэж тодорхойлоод хэрэгцээний шатлалын загвараа гаргажээ./зураг 2.6.2/

Өөрийгөө илэрхийлэх

Хүндлүүлэх

Нийгмийн

Аюулгүй байх

Бие физиологийн

Зураг 2.6.2 хэрэгцээний шатлалын загвар

Анхдагч хэрэгцээнээс эхлэн доод шатны хэрэгцээ хангагдах замаар дээд шатны хэрэгцээ хангагдана /Хүснэгт 2.6.1/. Аль нэг шатны хэрэгцээг хангахгүйгээр дээд шатны хэрэгцээ хангагдахгүй.Шат алгасч хэрэгцээ хангагдахгүй гэж тэрээр үзжээ.

Ер нь хүний хэрэгцээ бол хязгааргүй зүйл юм.Тийм ч учраас эрдэмтэд эдийн засгийн ухааны судал зүйл бол хязгаарлагдмал нөөцөөр хүний хязгааргүй хэрэгцээг хангах асуудал гэж тодорхойлсон байдаг.Нийгмийн хөгжлийг дагалдан хувь хүн хөгжиж байдаг.Хүн хөгжихийн хирээр түүний түүний хэрэгцээ улам өсч байдаг хөгжлийн зүй тогтолтой юм.Байгууллагын удирдлагын байнгын зорилго бол хүнээ хөгжүүлэх,ажиллагчдынхаа шинэ шинэ хэрэгцээг бий болгох,түүнийг хангах явдал гэж үзэж болно.

Нийгмийн хэрэгцээ

1.Ажиллагчид хоорондоо харилцаж болохуйц ажил өгөх

2.Ажлын байруудад нэгдмэл уур амьсгал бүрдүүлэх

3.Захирагдагч нартайгаа тогтмол харилцаж байх

4.Гишүүд байгууллагаас гадна нийгмийн идэвхитэй байх нөхцлийг бүрдүүлэх

Хүндлүүлэх хэрэгцээ

1.Захирагдагч нартаа сонирхолтой,баялаг агуулгатай ажил санал болгож байх

2.Үр өгөөжтэй эргэх холбоог дэмжиж байх

3.Захирагчдынхаа хүрсэн амжилтыг өндөр үнэлж,хөхүүлж байх

4.Зорилго тодорхойлох,шийдвэр гаргахад захирагдагчдаа оролцуулж байх

5.Захирагдагч нартаа шаардлагатай бүрэн эрх,эрх мэдлийг төлөөлөн шилжүүлж байх

6.Захирагдагч нараа албан тушаал ахих бололцоогоор хангаж байх

7.Ажиллагчдынхаа мэдлэг мэргэжлийг байнга дээшлүүлж байх

Өөрийгөө илэрхийлэх хэрэгцээ

1.Захирагдагч нартаа өөрийн чадвараа бүрэн дайчлан гаргах,сурч хөгжихөд нь дэмжиж байх

2.Ажиллагчиддаа нарийн ур чадвар,хүч чармайлт шаардсан ажил үүрэг өгч байх

3.Захирагчдынхаа бүтээлч санаачлага,авъяас билгээ хөгжүүлэх оролдлого чармайлтыг хөгжүүлж,урамшуулж байх

Мотиваци

http://dashka_tushee.blog.gogo.mn — Tue, 29 Nov 2011 15:39:01 ULAT

Мотиваци

Байгууллагад хүн хичнээн сайн ажиллаж байлаач удирдлагын зүгээс хөдөлмөрт байнга идэвхжүүлж,өдөөн түлхэж байх нь урт хугацаанд байнга тогтвортой ажиллаж,амжилттай байхын гол үндэс гэж менежмент судлаачийн төдийгүй практик менежерүүд үздэг.Хүнийг хөдөлмөрт өдөөн түлхэх маш олон янзын арга хэлбэр байж болох бөгөөд ихэнхи тохиолдолд материаллаг урамшуулалд хандах явдал ажиллагддаг. Мөнгө,материаллаг урамшуулал хүнийг хөдөлмөрт идэвхжүүлэх мөн боловч бусад арга хэрэгслийг үгүйсгэвэл мотивацийн нөлөөлөл тэр бүр үр дүнтэй болж чаддаггүйг менежмент судлаачид олон талаас нь шинжлэн тогтоосон байна.Энэ бүлэгт бид орчин үеийн мотивацийн онолуудыг үзнэ.Орчин үед мэдлэггүйгээр тэр тусмаа мотивацийн орчин үеийн арга загварыг мэдэхгүйгээр өндөр боловсролтой,өнөөгийн амьдралын хэв шинжид орсон,харилцааны шинэ хэв маягтай хүнийг хөдөлмөрт өдөөн түлхэж чадахгүй юм.Хэрэв хүнийг хөдөлмөрт өдөөн түлхэж,идэвхжүүлж чадахгүй бол байгууллагын зорилго хоосон мөрөөдөл болно.

Мотивацийн тухай ойлголт

Удирдагч хүн байгууллагын зорилгыг тодорхойлсны дараа хэрэгжүүлэх ажлаа хэрхэн зохион байгуулах , хэнээр , юуг ямар хугацаанд ,хэрхэн гүйцэтгүүлэхээ сайтар бодож боловсруулах учиртай.Харамсалтай нь амьдралд удирлагын баг,удирдагчид цаасан дээр гаргасан зорилгодоо сэтгэл ханамж,зорилго өөрөө биелэх юм шиг гэнэн санадаг тохиолдол түгээмэл байдаг.Зорилго хэрэгжихийн тулд удирдагчаас ч,гүйцэтгэгчдээс асар их хүчин чармайлт шаарддаг.Удирдагчийн хүчин чармайлт нь юуны өмнө гүйцэтгэгчдийн үйл ажиллагааг зорилгын зүгт байнга чиглүүлж идэвхжүүлж байх явдал юм.Удирдагчийн энэхүү нөлөөлөл мотивацийн зарчмуудад тулгуурлана.

Мотиваци гэдэг бол хүн өөрийн болон байгууллагынхаа нэгдмэл зорилгод хүрэхийн тулд өөрийгөө болон бусдыг өдөөн түлхэх үйл ажиллагаа юм.

Хүмүүс ганц нэгээрээ хүчин мөхөсдөх ажил үйлсийг гүйцэтгэхийн тулд хамтран ажиллах болсон нь нэн эртний түүхтэй билээ.Хамтын хөдөлмөр бол нэг талаас бүтээмжийг олон дахин нэмдэг боловч нөгөө талаас зохион байгуулалтын нарийн элементүүдийг шаарддаг.Хүн хэдийгээр дангаараа хэрэгжүүлэх боломжгүй том зорилгод хүрэхийн тулд бүлэгт нэгдэж , хамтын хөдөлмөрт оролцдог ч өөрийн гэсэн хувь сонирхол , хэрэгцээгээ орхидоггүй,орхих ч боломжгүй юм.Зорилгод хүрэх нэгдмэл сонирхол,хэрэгцээг буй болгохын зэрэгцээ гишүүн бүрийн хувь сонирхол , хэрэгцээг хангахын төлөө удирдлагын нөлөөлөл байх учиртай.Хүний нийгмийн түүхэнд хүн,хүмүүсийн бүлгийг хөдөлмөрт өдөөн түлхэх олон янзын арга хэрэгсэл ашиглаж иржээ.Хүн төрөлхтөний түүхэнд олон зууны турш хүнийг хөдөлмөрт идэвхжүүлэхэд албадлагын арга түгээмэл байсныг орчин үеийн менежментийн судлаачид нийтлэг хүлээн зөвшөөрдөг юм. Менежментийн ном зохиол , сурах бичгүүдэд энэ арга,монголчилбол “Ташуур,гамбирын арга”нэршлээр бичигдсэн байдаг.Энэ нь хүний нийгмийн түүхийн өнө эртнээс олон зууны турш хүнд амьд байх ,өлсөхгүй байх амьдралын энэ тэргүүний хэрэгцээ байсаар байсан билээ.Эртний улсуудын түүх шашдир,их наадмын намтар,үлгэр домог,ардын уран зохиолд амьдрахын тул амь насаараа дэнчин тавьж тэмцэлдэх явдал түгээмэл гардаг билээ.Монголын түүхийн сурвалж бичгүүд , манай ардын аман зохиолд ч нэгэн адил үйл явдал элбэг тохиолддог.

намар цагаа гэж

http://dashka_tushee.blog.gogo.mn — Tue, 29 Nov 2011 15:29:16 ULAT

Хөхөлбөр үүлсийн хормойд наран жаргаад

Хөндийх уулсийн бараа нүдний үзүүрт сүүмийгээд

Гадаа морьд үүрсээд

Галд очс үсчээд

Намрын тэр нэгэн үдэш

Намираа салхи дээвэр илбээд

Насны нь нар хэвийсэн 2 минь бодогдоод

Юутай уйтай үдэш вэ дээ

Найр хавтгайрсан намрын үдшээр

Нууцаа дэлгээд залуус болзоод

Уяаны шонд морьд багшираад

Уртын дуу тэртээгээс хадаад

Тааны толгойд хяруу унаад

Тахил охид инээд алдаад

Гүүн зэлэнд унага зүүрмэглээд

Гүүргийлэн байх нь сэтгэлд уянгалаад

Намар цагаа гэж

өвгөн аав минь тэртээгээс шогшуулж байх шиг

өвгөн шувуугаа аялан байх шиг

жонон хонгороо дуулан найгаж

жороо хүрнээ унан талибуулах шиг

намар цагаа гэж

үхрийн зэлнээс эмээ минь наашилж

өөвлөн эвийлэн намайгаа үнэрлэх шиг

саалийнх нь үнэр сэтгэл дулаацуулж

сүүтэй хувинг нь дамжилан алхах шиг

намар цагаа гэж

даагий

Хайрт дүүдээ

http://dashka_tushee.blog.gogo.mn — Tue, 29 Nov 2011 15:12:41 ULAT

Хайрт дүүдээ

Хайрт дүү минь чи минь энэ хорвоогоос яваад 6 намар 6 хаврыг үджээ. Ямар ч их урт юм шиг хэрнээ ямар богинохон хугацаа вэ? 6 жилийн өмнө энэ л өдөр хайрт дүүгээ хөдөөлүүж байснаа эгч нь хэзээч мартдаггүй. чамайгаа өнгөрнөөс хойш бид уруу дорой явж болохгүй гэж хичээн амьдарч байна. Ээж аав хоёр нь сайн байгаа ч тэр 2 минь чиний араас амьдаараа үхэж байна даа.

Нэг нь үхэж нөгөө нь амьдардаг хорвоод бид яахав болж л байна. Энэ аймшигт өдрийг бид яаж мартах вэ дээ. Энэ хорвоод үхэл хагацал гэдэг бидэнд ирэхгүй юм шиг л амьдарч явсан надад чи минь байхгүй болох ямар аймаар байсныг хэнч мэдэхгүй .

Хорвоо дэлхий хөмрөх шиг л санагдаж эгч нь өдөр болгон чинийхээ араас харамссандаа. Цонхоор хараад уйлж зогсохдоо чамайгаа үхсэнд итгэж ядаж байсан.

Олон ч өдөр олон ч шөнө аниа нь дүүгээ зүүдлэж харуулдсан. Энэ тэнд яваа жижигэвтэр залуучууд дүүтэй минь адил харагдаж дагаад явж байдагсан.

Тэр нэг өдөр эгч нь вагонд дүүтэйгээ дэндүү адил хүнтэй таарчаад нүд салгахгүй харж байхдаа хүнээс ичэхээ ч мартсан байсан.

Цаг хугацаа гэдэг урсан өнгөрч бид өөр өөрсдийн амьдралаар амьдарч байгаа ч чамайгаа нэг хором ч мартаагүй.

Чи минь хичнээн олонтой, ухаалаг хүн байсныг эгч нь чамайг таньдаг хүн бүртэй чинь уулзах бүртээ мэдэрч чамаараа бахархдаг.

Чамайгаа нас барсан тэр өдөр эгч нь түшээд уйлах ханьгүй байлаа. Ганцаардаж цөхөрч байсан ч аниа нь заавал ханьтай болох хэрэгтэйг тэгэхэд л ухаарч чинийхээ тэнгэрээс явуулсан ханьтай удалгүй уулзаж ханилсан. Нэг хөөрхөн хүү төрүүлсэн одоо 3 хүрлээ. Эгч нь чамайг минь зүүдлүүлэн байж ирсэн юм болохоор чинийхээ сүнсийг гэж голоо зогоож их хайрладагаа.

Чиний минь ганц дүү сургуулиа төгсөөд том ажил хийж байгаа. Хань бүлтэй болж чиний багатай тун адил охинтой болсондоо. Одоо 2 сартай хөөрхөн амьтан бий. Аниа нь зовох жаргах тоолондоо дүүгээ дуудаж уйлдаг. Миний дүү эгчийгээ сонсдог бизээ. Тэгээд л аниадаа хань үр хүүхэд сайхан амьдрал явуулаа байлгүй дээ. Чиний минь хайртай дүү Цогооноо одоо том залуу болж их сургуульд сурч байгаа. Аниа нь сайхан амьдарч чинийхээ амьдраагүй амьдралыг нөхнөө.

Миний дүү бурханы орондоо тайван нойрсдоо.

Ум мани бадми хум.

2010.02.09

Хүний амьдралын мөн чанар

http://dashka_tushee.blog.gogo.mn — Tue, 29 Nov 2011 15:08:35 ULAT

Гагцхүү хүний амьдрал гэж…………..

Сэтгэлийн гүн дэх бодлын үргэлжлэл мэт амьдрал хүний хүсээгүй бодоочгүй тийм алсад туучуулан тэвчээрийн утас хэдийд тасран илтгэл алдрахыг хүлээн суугаа аймшигт араатан мэт…

Багаа жаахан байхдаа амьрал гэдэг бурам мэт санагдаж түүнд яаран гүйх шахан, сар хоног өдөр бүр дэндүү удаан хөврөх мэт санагдаж ээжийнхээ аяглахыг дуурайн алхаж гишгэн оо энгэсэг түрхэн байх нь юутай сонин содон хийгээд сайхан байсныг санахаар юунд энэ амьдралд юундаа яарладаа гэж бодох…

Залуухан сайхан охиныг хараад амьдралд бүү яар гэж хэлмээр ч юм шиг…

Дэндүү уяхан дэндүү гэнэн миний залуу нас солонго шиг атлаа сүүдэр шиг байжээ.

МАРКЕТИНГИЙН УДИРДЛАГА ШАЛГАЛТЫН АСУУЛТ

http://dashka_tushee.blog.gogo.mn — Tue, 29 Nov 2011 15:03:13 ULAT

МАРКЕТИНГИЙН УДИРДЛАГА ШАЛГАЛТЫН АСУУЛТ

1. Маркетингийн үндсэн ухагдахуунууд

2. Маркетингийн удирдлагын үзэл баримтлал

3. Маркетингийн удирдлагын үйл явц

4. Маркетингийн төлөвлөлт

5. Нөхцөл байдлын шинжилгээ /SWOT/

6. Маркетингийн мэдээллийн систем

7. Зах зээлийн сегментчилэл ба зорилтот зах зээл

8. Зах зээлийг сегментчилэх үндсэн зарчмууд

9. Зах зээлийн сегментчилэл, хоногшилт

10. Хэрэглэгчийн зах зээл

11. Хэрэглэгч ба худалдан авагч

12. Хэрэглэгчийн зан байдлын загвар

13. Үйлдвэрлэгчийн зах зээл, түүний онцлог

14. Бөөний худалдаа

15. Жижиглэнгийн худалдаа

16. Идэвхижүүлэлтийн хольц

17. Хэрэглэгчийн анализын бүтэц

18. Хэрэглэгчийн бүтээгдэхүүний талаарх мэдлэг MEC загвар

19. Хэрэглэгчийн анхаарал ба ойлголт

20. Хэрэглэгчийн хандлага ба санаа бодол

21. Зах зээлийн сегментчлэл ба бүтээгдэхүүний байршуулалт

22. Хэрэглэгчийн зан төлөвүүд дэхь маркетингийн стратегиуд

23. Хэрэглэгчийн зан төлөв ба сувгийн стратеги

24. Хэрэглэгчийн шийдвэр гаргах үйл явц

25. Референт бүлэг, хэрэглэгчдийн судалгаа

26. Бие хүний онцлог

27. Хэрэглэгчийн зан төлөвт нөлөөлөх рекламны үүрэг

28. Маркетингийн судалгааны хэрэгцээ шаардлага

29. Судалгааны обьект ба хүчин зүйл

30. Зах зээл болон маркетингийн судалгааны ялгаа

31. Маркетингийн судалгааны цар хүрээ

32. Судалгааны хэрэгсэл

33. Маркетингийн судалгааны төлөвлөгөө

34. Судалгааны тайлангийн бүтэц

35. Өгөдлийн статистик таамаглалыг шалгах аргууд

36. Энгийн регрессийн шинжилгээ

37. Олон хүчин зүйлийн регрессийн шинжилгээ

38. Дисперсийн шинжилгээ ба ANOVA таблицын мөн чанар

39. Олон хүчин зүйлийн хандлагын арга

40. Байгууллагын үнийн бодлого, үнэ бүрдэлт

41. Үнэ бүрдүүлэлтийн үндсэн аргууд

42. Үнийн стратеги, түүний боловсруулалт

43. Зах зээлийн үндсэн хэлбэрүүд, тэдгээрийн үнэ бүрдэлтийн онцлог

44. Ашиг хамгийн их байх эрэлт, нийлүүлэлтийн шинжилгээ

45. Олон улсын маркетинг дахь үнэ бүрдэлт

46. Олон улсын маркетингийн концепци

47. Олон улсын маркетингийн процесс, үе шат

48. Олон улсын маркетингийн удирдлагын процесс, зах зээлийн үзэл баримтлалын онцлог

49. Олон улсын маркетинг дахь барааны бодлого

50. Олон улсын маркетинг дахь байгууллагын үнийн бодлого

51. Олон улсын маркетинг дахь хуваарилалтын суваг

52. Олон улсын маркетинг дахь рекламны үйл ажиллагаа

53. Олон улсын маркетингийн санхүүгийн бэрхшээлүүд

54. Олон улсын худалдааны төлбөр тооцоо

55. Олон улсын маркетинг дахь санхүүгийн эрсдэл, түүний зохицуулалт

56. Улсын гадаад эдийн засгийн ангиллын тооцоо

57. Гадаадын борлуулагч агентлагуудын зохион байгуулалтын хэлбэрүүд

58. Бараа судлалын тухай үндсэн ойлголт

59. Хүнсний бүтээгдэхүүний чанар

60. Хүнсний барааны химийн бүрэлдэхүүн

61. Шинжилгээний лабораторын арга

62. Хүнсний бүтээгдэхүүний хадгалалт

63. Консервлох арга

64. Хүнсний бүтээгдэхүүний ангилал

65. Үйлчилгээний маркетингийн онцлог

66. Үйлчилгээний маркетингийн эрхэм зорилго

67. АНУ-ын эрдэмтэн Давидын тодорхойлолт

68. Нийтийн зах зээлийн стратеги

69. Үйлчилгээний маркетингийн иж бүрдэл

70. Вирус маркетинг

71. Вирал маркетинг

72. Брэнд

73. Брэндийн 25 зарчим

74. Интернэт маркетинг

75. Үйлчилгээний маркетингийн төлөвлөлт

76. Үйлчилгээний маркетингийн амьдралын мөчлөгийн судалгаа

77. Нөөцийн удирдлага, хуваарилалт

78. Худалдан авагчийн үйлчилгээ, чанар, ба маркетингийн уялдаа

79. Бенч маркетинг

80. Маркетингийн стратегийн төлөвлөлт

81. Бизнесийн багцийн үнэлгээ ба стратеги

82. Маркетингийн боломжийг шинжлэх нь

83. Маркетингийн албаны бүтэц зохион байгуулалт

84. Бостон консалтинг группийн матриц

85. Бэлтгэн нийлүүлэгчдийн зах зээл

86. Реклам сурталчилгаа

87. Борлуулалтын урамшуулал

88. Биечлэн хийх худалдаа

89. Олон нийттэй харилцах

90. Аристоталийн загвар

91. Лассуэлийн загвар

92. Маркетингийн харилцааны системд оролцогч талууд

93. Сурталчилгаа хийхдээ анхаарах зүйл

94. Зар сурталчилгааны зорилго үүрэг

95. Олон нийттэй харилцах харилцаа зар сурталчилгаанаас ямар ялгаатай вэ?

96. Рекламын төрөл хамрах хүрээ

97. Реклам сурталчилгааны үйл ажиллагааг явуулах үе шатууд

98. Реклам сурталчилгааны байршлууд

99. Рекламны мэдээлэл түгээх хэрэгсэл

100. Урамшуулал, сурталчилгааны төсөв тооцож

101. төсөвлөх нь

102.

Үйлчилгээнд маркетингийн гүйцэтгэх үүрэг

http://dashka_tushee.blog.gogo.mn — Tue, 29 Nov 2011 12:06:22 ULAT

Үйлчилгээнд маркетингийн гүйцэтгэх үүрэг

Орчин үед өрсөлдөөн улам хүчтэй болж үйлчилгээний зах зээлийн хөдөлгөх хүч өөрчлөгдсөөр байна. Тиймээс маркетинг үйлчилгээний зах зээлийн өрсөлдөөний салбарт байгууллагуудын ололт, дутагдлын гол хүчин зүйл нэгэнт болжээ. Маркетинг байгууллагын нөөцөд тохирсон зорилтот зах зээлийн хэрэгцээг илрүүлэх, бүтээгдэхүүн, үйлчилгээгээр хангах, борлуулалтыг урамшуулах үйл ажиллагаа тул үйлчилгээний байгууллагын нөөцийг зах зээлийн эрэлт хэрэгцээтэй тэнцвэржүүлэх үүрэг гүйцэтгэнэ.

Маркетинг нь компанийн бүтээгдэхүүн, үйлчилгээ, хэрэглэгчдийн эрэлт, хэрэгцээг болон өрсөлдөгчийн үйл ажиллагааны хоорондын динамик хөдөлгөөн,харилцаа холбоог зохицуулж байдаг. Тиймд үйлчилгээний байгууллагын тухайд маркетингийн гүйцэтгэх үүргийг хүрээнд доорх гурван асуудалд анхаарах нь зүйтэй. Үүнд:

- Маркетингийн хольц – Энэ нь үйлчилгээний байгууллагын хөтөлбөрийн хамгийн гол ач холбогдол бүхий дотоод элемент буюу бүтээгдэхүүн хэсгүүд болно.

- Гадаад орчины хүчин зүйл – Энэ нь байгууллагын маркетингийн үйл ажиллагаатай холбоотой гадаад боломж ба аюулууд юм.

- Уялдуулах процесс- Энэ нь гадаад орчины хүчин зүйлд аюул ба боломж маркетингийн хольц болон дотоод бодлогыг уялдуулах стратегийн ач холбогдол бүхий менежментийн процесс юм.

Уламлалт ёсоор маркетингийн хольц 4пи 4 гэж нэрлэгддэг дөрвөн гол бүтээгдэхүүнтэй. Үүнд:

Ш Бүтээгдэхүүн - зах зээлд санал болгож буй бүтээгдэхүүн, үйлчилгээ

Ш Үнэ – бүтээгдэхүүн үйлчилгээ борлуултын үнэ

Ш Идэхжүүлэлт – Бүтээгдэхүүн, үйлчилгээний маркетингийг багтаасан харилцааны праграмм

Ш Хувиргалтын суваг – компанийн бүтээгдэхүүн, үйлчилгээний оновчтой, үр ашигтай хувиргалт г.м

Ш Зах зээлийн гадаад хүчин зүйл нь дараах хүрээнд илрэн гарна. Үүнд:

Ш Үйлчлүүлэгч буюу тэдгээрийн зан төлөв – эцсийн хэрэглэгч, жижиглэнгийн ба бөөний худалдаачид, бэлтгэн нийлүүлэгч болон бусад гишүүдийн хандлага, сонирхол, практик холбоо, бүтэц, сэдэл тэмүүлэл.

Ш Өрсөлдөгчид – Салбарын бүтэц болон өрсөлдөөний мөн чанарт нөлөөлөх компаниудын байр суурь, зан төлөв.

Ш Засгийн газар ба зохицуулагчид – Пүүсийн хийгээд өрсөлдөгчдийн аль алинд хамааралтай маркетингийн хяналт зэрэг багтана.

Зорилтот зах зээл гэж юу вэ? түүнийг сонгох нь

http://dashka_tushee.blog.gogo.mn — Tue, 29 Nov 2011 10:04:54 ULAT

Зорилтот зах зээл гэж юу вэ? түүнийг сонгох нь
Зорилтот зах зээлээ сонгохын тулд сегментүүдийг үнэлэх шаардлагатай болдог. Үүнийг бялуу хуваахтай зүйрлэж болно. Сегментчилэл гэдэг бол бялууг хэдэн хэсэг таллан хуваах явдал бөгөөд зорилтот зах зээлээ сонгоно гэдэг бол өөрийн ногдох хувийг сонгохыг хэлнэ. Том жижиг янз бүрийн хэсгүүдээс хамгийн өөрт тохирох боломжтойг нь сонгохын тулд сегментүүдийг тодорхой шалгуураар үнэлэх хэрэгтэй болно.
Сегментүүдийг үнэлэхийн тулд дараах шинжилгээг хийдэг.
Сегментийн бүтцийн таатай байдлын шинжилгээ. Пүүст таатай ашиг авчирахуйц байх. Пүүсийн ашигт ажиллагаанд дараах 5 хүчин зүйл нөлөөлнө.
1.    Өрсөлдөөний аюул. Тогтмол зардал өндөр, гарах хориг саад их, хүчтэй өрсөлдөгчтэй бол пүүст хэцүү байдал үүснэ.
2.    Шинээр зах зээлд орох аюул. Зах зээлд нэвтрэх хориг саад бага байх нь сегментийг тааламжгүй байдалтай болгоно. Сегментэд нэвтрэхэд гарах хориг сааданд дараах зүйлс орно.
a.    Нэгжийн хувьсах зардал бага байх
b.    Бүтээгдэхүүний ялгаварлал /хэрэглэгчидийн/
c.    Анхны зардлын хэмжээ их байх
d.    Хуваарилалтын сувагт хүрч чадах эсэх
e.    Нэр хүнд дутагдах
3.    Орлуулагчийн аюул. Тухайн сегмент дээр орлуулагч бүтээгдэхүүн их бол пүүст аюултай. Орлуулагч бараа нь үнэ болон ашигт нөлөөллөө үзүүлж байдаг.
4.    Худалдан авагчийн хүч. Үнэ хямдтай, чанар өндөр, нэмэлт үйлчилгээ ихтэй бүтээгдэхүүнийг хэрэглэгчид хүсч байдаг. Хэрэглэгчид пүүст нөлөөллөө үзүүлэхүйц хүчтэй байх нөхцөлүүд:
a.    Төвлөрч, зохион байгуулагдсан байх
b.    Цөөн тооны том худалдан авагч байх
c.    Худалдан авагчид мөнгө багатай байх
d.    Бүтээгдэхүүн ач холбогдол багатай байх
5.    Бэлтгэн нийлүүлэгчдийн хүч нэмэгдэх аюул. Нийлүүлэх барааныхаа үнийг өсгөх, чанарыг бууруулах зэргээр нөлөөлөх аюул орно. Бэлтгэн нийлүүлэгчид пүүст нөлөөллөө үзүүлэхүйц хүчтэй байх нөхцөлүүд:
a.    Цөөн тооны бэлтгэн нийлүүлэгч байх
b.    Гол эд ангийг нь нэг пүүс барьж байх
c.    Бэлтгэн нийлүүлэгч том байх
d.    Хоорондоо хамтран ажиллаж байх
Зорилтот зах зээл гэдэг орох бололцоотой зах зээлээс пүүс эзэмшихийг хүсч буй хэрэглэгчдийн хэсэг юм.
    Пүүсийн зорилго, нөөц тухайн сегментэд тохирч байвал сонголтоо хийнэ. Пүүс сегментийн хэмжээ олон өсөлт, сегментийн бүтцийн таатай байдал, пүүсийн зорилт болон нөөц гэсэн хүчин зүйлсийг ашиглан сегментүүдийг үнэлээд сонголтоо хийдэг. Мөн тухайн сегментийн өсөлт ба хэмжээг судална.

Маркетингийн судалгаа

http://dashka_tushee.blog.gogo.mn — Tue, 29 Nov 2011 09:05:06 ULAT

Маркетингийн судалгаа

Маркетингийн судалгаа гэдэг нь тухайн пүүст бий болсон нөхцөл байдлын улмаас зайлшгүй шаардлагатай мэдээллүүдийг байнга тодорхойлж цуглуулах, задлан шинжлэх үр дүнг нь тайлагнахыг хэлнэ.

Маркетингийн мэдээлэл судалгаа 2ыг ялгаж ойлгох шаардлагатай.

Маркетингийн судалгааг ямар зорилгоор хийдэг вэ?

Ш бизнесийн рискийг багасгах

Ш зах зээлийн асуудлыг танин мэдэх

Ш борлуулалтын янз бүрийн боломжууд тус бүрийн ашгийг тодорхойлох

Ш илүү сайн шийдвэр гаргах болон үйл ажиллагаагаа төлөвлөхийн тулд судалгаа явуулдаг.

Маркетинг нь судалгааны дараах төрлүүдтэй.

Судалгааны нь сургалт, судалгаа, суртчилгаа, шинжилгээний чиглэлтэй.

Ш Хэрэглэгчдийн сонирхолын судалгаа

Ш Суртчилгааны мэдэгдэлийн судалгаа

Ш Суртчилгааны хэрэгслийн судалгаа

Ш Суртчилгааны үр өгөөжийн судалгаа

Ш Арилжааны процесс, түүний эдийн засгийн шинжилгээ

Ш Богино хугацааны таамаглалын судалгаа

Ш Урт хугацааны таамаглалын судалгаа

Ш үнийн бодлогын судалгаа

Ш үйлдвэрлэл болон ачуулах байршлын зарчмын судалгаа

Ш барааны нэр төрлийн судалгаа

Ш олон улсын зах зээлийн судалгаа

Ш удирдлагын мэдээллийн системийн судалгаа

Ш хэрэглэгчдэд мэдээлэл хүргэх арга замын судалгаа / компаны хариуцлага/

Ш орчин тойронд нөлөөлөх арга замын судалгаа

Ш суртчилгаа идэвхжүүлэлтийн хүрээн дэх хуульзүйн хязгаарлалтын судалгаа

Ш нийгмийн үнэт зүйлс нийгмийн бодлогын судалгаа

Ш шинэ бүтээгдэхүүнийг хэрэглэгчид хүлээн авч байгаа байдлын судалгаа / барааны зохион бүтээлт /

Ш өрсөлдөгчийн бүтээгдэхүүний судалгаа

Ш бүтээгдэхүүний лабораторийн судалгаа

Ш сав баглаа боодлын судалгаа

Ш зах зээлийн шинж төлөвийн судалгаа / борлуулат ба зах зээл /

Ш борлуулалтын шинжилгээ

Ш барааг түгээх сувгийн судалгаа

Ш туршилтын маркетинг

Ш борлуулалтыг идэвхжүүлэх стратегийн судалгаа